امام‌علی رحمان: تاجیکستان ظرفیت‌های خوب لوژستیکی برای کمک به افغانستان دارد
امام‌علی رحمان، رئیس جمهور تاجیکستان پیشنهاد کرد که تاجیکستان ظرفیت‌های خوب لوژستیکی برای ارایه کمک‌های بین‌المللی به افغانستان دارد.
امام‌علی رحمان، رئیس جمهور تاجیکستان پیشنهاد کرد که تاجیکستان ظرفیت‌های خوب لوژستیکی برای ارایه کمک‌های بین‌المللی به افغانستان دارد.
پیک‌آفتاب: دفتر مطبوعاتی امام‌علی رحمان، رئیس جمهور تاجیکستان با نشر بیانیه‌ای نوشته است: “بحران عمیق سیاسی، نظامی، اقتصادی و بشری در افغانستان به نگرانی جامعه جهانی افزوده و باعث ایجاد تنش در منطقه نیز شده است”.
در متن این بیانیه تأکید شده است که تاجیکستان آماده است تا ظرفیت‌های خوب لوژستیکی خویش را برای ارایه کمک‌های بین‌المللی ارایه دهد و این ظرفیت‌ها را در اختیار کشورهای کمک کننده قرار دهد تا آنها بدون واهمه کمک‌های بشری خویش را از طریق تاجیکستان به افغانستان انتقال دهند. این کشور به دلیل داشتن مرز مشترک با افغانستان از ظرفیت‌های خوبی برای انتقال کمک برخوردار است.
آقای رحمان، افزوده است که خاک افغانستان همچنان “منبع گسترش تهدیدها و چالش‌های جدید است که همسایه‌ها از آن نگرانی دارند و تاجیکستان که مرز طولانی با افغانستان دارد، در خط مقدم مقاومت علیه تروریزم قرار دارد”.
در این بیانیه همچنان آمده است، که رئیس جمهور تاجیکستان اعتمادنامه 10 سفیر کشورهای خارجی را نیز پذیرفته است.
این در حالی است که پیمان امنیت جمعی به رهبری روسیه روز ۲۶ میزان، بزرگترین مانور نظامی خود را در مرزهای تاجیکستان و افغانستان برای 6 روز انجام دادند. به گفته وزارت دفاع کشورهای روسیه و تاجیکستان، در این مانور بیش از ۵۰۰۰ نظامی که نیمی از آنها روسی بودند، اشتراک داشتند.
