طالبان ده‌ها موتر باربری تاجیکستان را در افغانستان متوقف کرده‌اند
پس از تنش‌های مرزی میان افغانستان و تاجیکستان، اکنون طالبان ده‌ها موتر باربری تاجیکستان را که عمدتاً سمنت و زغال‌سنگ به افغانستان انتقال می‌دهند، متوقف کرده‌اند.
پس از تنش‌های مرزی میان افغانستان و تاجیکستان، اکنون طالبان ده‌ها موتر باربری تاجیکستان را که عمدتاً سمنت و زغال‌سنگ به افغانستان انتقال می‌دهند، متوقف کرده‌اند.
پیک‌آفتاب: رسانه‌های تاجیکستان گزارش می‌دهند، به تازگی گروهی از رانندگان تاجیک که وارد افغانستان شده‌اند، حدود ده روز می‌شود که اجازه خروج دریافت نکرده‌اند.
یکی از رانندگانی که در افغانستان گیر مانده است به رسانه‌ها گفته است: “ما را از موتر‌های‌مان بیرون نکرده‌اند. در موتر‌ها می‌مانیم، اما خیلی آزاد نیستیم و هر سو رفته نمی‌توانیم. حدود صد موتر باردار و بدون بار این‌جا هستند.”
تعدادی از رانندگان تاجیک هم موترهای‌شان را در افغانستان گذاشته و به کشورشان برگشته‌اند.
مسئولین خدمات گمرکی تاجیکستان نیز تایید کرده‌اند که طالبان مرز را بسته‌اند.
ذبیح‌الله مجاهد، سخنگوی طالبان نیز امروز سه‌شنبه 27 ثور، در صبحت با رسانه‌ها تایید کرده است که مرز افغانستان با تاجیکستان را بسته‌اند.
به گفته مجاهد تا زمانی‌که وزیران خارجه دو کشور مسایل و مشکلات پیش آمده را با مذاکره و تفاهم حل نکنند، شیرخان بندر بازگشایی نخواهد شد.
این در حالی است که نظامیان تاجیکستان صبح امروز مانور نظامی را در امتداد خط مرزی این کشور با افغانستان اجرا کرده‌اند. به گفته منابع، نظامیان تاجیکستان در این مانور شلیک نکرده‌اند و صرف رژه نظامی اجرا کرده‌اند. طالبان نیز در امتداد مرز به تعداد نیروهای خود افزوده‌اند.
