مانور نظامی تاجیکستان در امتداد مرز این کشور با افغانستان
نیروهای نظامی تاجیکستان صبح امروز مانور نظامی را در امتداد خط مرزی این کشور با افغانستان اجرا کردهاند.
نیروهای نظامی تاجیکستان صبح امروز مانور نظامی را در امتداد خط مرزی این کشور با افغانستان اجرا کردهاند.
پیکآفتاب: منابع محلی در ولایت قندز گزارش میدهند که صبح امروز سهشنبه 27 ثور، نظامیان تاجیکستان در امتداد مرز این کشور با افغانستان مانور یک ساعته اجرا کردهاند.
منابع تصریح میکنند که در این مانور، نظامیان تاجیکستان شلیک نکردهاند و صرف رژه نظامی رفتهاند، گفته میشود که طالبان نیز در امتداد مرز به تعداد نیروهایشان افزودهاند.
این در حالی است که روز گذشته 26 ثور، منابع محلی از وقوع درگیری میان نظامیان طالبان و نیروهای مرزی تاجیکستان در ولسوالی امام صاحب ولایت قندز خبر داده بودند.
اخیراً ناامنی و تنشهای مرزی میان افغانستان و تاجیکستان افزایش یافته است و چندی قبل گروه تروریستی داعش نیز از افغانستان، تاجیکستان را هدف حملات راکتی قرار داده و ویدیوی آنرا نیز منتشر نمودند.
طالبان تاکنون چندین بار از حکومت تاجیکستان خواستهاند که به مخالفین نظامی آنان اجازه فعالیت ندهد.