نماینده تاجیکستان در نشست مسکو: تاجیکها هر روز در افغانستان بیموجب کشته میشوند
نماینده تاجیکستان در نشست مشورتی مسکو از کشتار تاجیکها در افغانستان ابراز نگرانی کرد.
نماینده تاجیکستان در نشست مشورتی مسکو از کشتار تاجیکها در افغانستان ابراز نگرانی کرد.
پیکآفتاب: وفانیاتبکزاد در این نشست گفت که کشتار گسترده تاجیکها در پنجشیر و مناطق شمالی افغانستان مشهود است و آنها هر روز به بهانه همکاری با جبهه مقاومت کشته میشوند.
پیش از این گزارشهایی به رسانهها رسیده بود که امارت اسلامی شمار زیادی از مردم را در مناطق شمالی به اتهام همکاری با جبهه مقاومت کشتهاند.
نماینده تاجیکستان به سخنان ریچارد بنت، گزارشگر ویژه سازمان ملل در امور حقوق بشر افغانستان اشاره کرد و آنرا نگران کننده خواند. ریچارد بنت چندی پیش در سفر به افغانستان به ولایت پنجشیر رفته بود و از نقض حقوق بشر در منطقه ابراز نگرانی کرد.
نماینده تاجیکستان میگوید وضعیت کنونی افغانستان، پرسشهای متعددی را مطرح میکند و لازم است رویکردی بسیار متعادل و محتاطانه درباره این کشور اتخاذ شود.
این اظهارات او در حالی است که نمایندگان دیگر کشورها در این نشست خواهان آزادسازی داراییهای افغانستان توسط امریکا شدند.
نماینده تاجیکستان تاکید کرد که در بیش از ۱۴ ماه از تسلط امارت اسلامی بر افغانستان، هیچ تلاشی برای تحقق وعدهها نشده است.
او افزود که موضوع ایجاد یک دولت فراگیر در افغانستان با مشارکت دیگر اقوام و جریانهای سیاسی نه تنها هنوز حل نشده، بلکه حقوق دیگر اقوام به شدت نقض میشود.
این در حالی مطرح میشود که پیشتر سراجالدین مهرالدین، وزیر خارجه تاجیکستان در صحبت با رسانههای تاجیکستانی گفته بود که تاجیکها بخش عمدهای از افغانستان را تشکیل میدهند و باید در حکومت حضور داشته باشند.
تاجیکستان: تاجیکها بخش عمده افغانستان را تشکیل میدهند و باید در حکومت حضور داشته باشند
گوترش به نشست بینالمللی تاجیکستان: تامین امنیت مرزها، کلید مبارزه با تروریزم است
دادستان کل تاجیکستان: قاچاق مواد مخدر از افغانستان، دو برابر افزایش یافته است
رئیس جمهور تاجیکستان: ایجاد کمربند امنیتی در مرزهای افغانستان لازم است
