افغانستان محور گفتگوی توماس وست و وزیر خارجه تاجیکستان
توماس وست، نماینده ویژه امریکا در امور افغانستان به ادامه سفرهای منطقهای خود، روز گذشته 31 می، به تاجیکستان رفت.
توماس وست، نماینده ویژه امریکا در امور افغانستان به ادامه سفرهای منطقهای خود، روز گذشته 31 می، به تاجیکستان رفت.
پیکآفتاب: وست در این سفر با سراجالدین مهرالدین، وزیر خارجه تاجیکستان دیدار و درباره “افغانستان و مبارزه با تروریزم بینالمللی” گفتگو کرده است.
در همین حال، وزارت خارجه تاجیکستان در خبرنامهای میگوید که در این دیدار بر مبارزه با افراطگرایی نیز تاکیده شده است. به اساس خبرنامه وزارت خارجه تاجیکستان، نماینده ویژه امریکا در امور افغانستان و وزیر خارجه تاجیکستان بر ضرورت گسترش همکاریهای دوشنبه و واشنگتن برای تحکیم حفاظت از مرز تاجیکستان و افغانستان و ارائه کمکهای بشردوستانه به مردم افغانستان تاکید کردهاند.
The meeting of the Minister of Foreign Affairs with the US Special Representative for Afghanistan https://t.co/B21xz41Ixc pic.twitter.com/Rg9yckahuv
— MFA Tajikistan (@MOFA_Tajikistan) June 1, 2022
توماس وست اخیراً سفرهای منطقهای خود برای گفتگو و دیدار با شماری از چهرههای سیاسی و شهروندان افغانستان را آغاز کرده است. او پیش از سفر به تاجیکستان به هند، ازبیکستان و ترکیه رفت و با شماری از چهرههای سیاسی افغانستان دیدار نمود.
توماس وست اما گفته است که این چهرههای سیاسی از نبود روند سیاسی برای گفتگو و مشارکت در افغانستان انتقاد کردهاند.
توماس وست در حالی با مقامهای تاجیکستان درباره افغانستان و مبارزه با تروریزم بینالمللی گفتگو میکند که این کشور اخیراً میزبان یک نشست منطقهای درباره افغانستان بود. در این نشست مشاوران امنیت ملی کشورهای هند، ایران، روسیه، قزاقستان، چین، قرقیزستان، تاجیکستان و ازبیکستان درباره تحولات افغانستان و تهدیداتی که منطقه با آن مواجه است، گفتگو کردند.
کشورهای شرکتکننده این نشست از حضور تروریستان بینالمللی در افغانستان ابراز نگرانی کرده و بر همکاری مشترک برای تأمین امنیت منطقه و تشکیل دولتی فراگیر در افغانستان تاکید کردند. مرکز خبری آسیاپلس (ASIA-PLUS) تاجیکستان گزارش داده بود که پایتخت این کشور پنجشنبه 5 جوزا، میزبان نشست بینالمللی میباشد که در آن نمایندگانی از روسیه، چین، هند، ایران و برخی از کشورهای دیگر اشتراک میکنند.