بررسی اوضاع امنیتی افغانستان در نشست بین‌المللی تاجیکستان
رسانه‌های تاجیکستان گزارش داده‌اند که فردا یک نشست بین‌المللی در رابطه به اوضاع امنیتی افغانستان در تاجیکستان برگزار می‌گردد.
رسانه‌های تاجیکستان گزارش داده‌اند که فردا یک نشست بین‌المللی در رابطه به اوضاع امنیتی افغانستان در تاجیکستان برگزار می‌گردد.
پیک‌آفتاب: مرکز خبری آسیاپلس (ASIA-PLUS) تاجیکستان گزارش داده است که پایتخت این کشور، فردا پنج‌شنبه 5 جوزا، میزبان نشست بین‌المللی می‌باشد که در آن نمایندگانی از روسیه، چین، هند، ایران و برخی از کشورهای دیگر اشتراک می‌کنند.
در این نشست قرار است که وضعیت امنیتی افغانستان و تاثیر آن بر کشورهای منطقه مورد بحث و تبادل‌نظر قرار گیرد.
وزارت خارجه تاجیکستان تاکنون به صورت مستقلانه برگزاری این نشست را اعلام نکرده است.
پیش از این خبرگزاری رسمی ازبیکستان «The Tashkent Times»، به نقل از ولادیمیر نوروف، سرپرست وزارت خارجه این کشور گزارش داده بود که به زودی یک نشست بین‌المللی درباره وضعیت افغانستان در تاشکند برگزار می‌گردد.
تاشکند تایمز تصریح کرده بود که قرار است در این نشست درباره مسایلی مانند افزایش عوامل بی‌ثباتی و عدم اطمینان، تشدید کانون‌های درگیری‌های مسلحانه محلی، افزایش فعالیت‌های تروریستی و پی‌آمدهای ویران‌گر مشکلات زیست‌محیطی صحبت گردد.
در گزارش آسیاپلس تصریح نگردیده که آیا نشست فردا، همان نشستی است که قرار بود در ازبیکستان برگزار گردد، یا تاجیکستان به صورت مستقلانه آن‌را ترتیب داده است.
