روسیه در صورت تنش بین طالبان و تاجیکستان، از تاجکستان حمایت میکند
سخنگوی وزارت خارجه روسیه: "در صورت تشدید اوضاع، روسیه قاطعترین اقدام را برای کمک به تاجیکستان انجام خواهد داد."
ماریا زاخارووا، سخنگوی وزارت خارجه روسیه گفته که در صورت تنش بین طالبان و تاجیکستان، مسکو از تاجیکستان حمایت میکند.
پیکآفتاب: سخنگوی وزارت خارجه روسیه که در یکنشست خبری سخن میگفت، در پاسخ به پرسشی مبنی بر احتمال تشدید درگیری بین تاجیکستان و طالبان گفت: “در صورت تشدید اوضاع، روسیه قاطعترین اقدام را برای کمک به تاجیکستان انجام خواهد داد.”
این در حالی است که روز گذشته خبرگزاری رویترز به نقل از ضمیر کابلوف، نماینده ویژه ولادیمیرپوتین، رییس جمهوری روسیه برای افغانستان، گزارش کرده بود که کرملین نمایندگان امارت اسلامی را به یک نشست بین المللی درباره افغانستان به مسکو دعوت کرده است.
نشستی که قرار است حدود دو هفته بعد “بیستم اکتبر” با میزبانی روسیه برگزار گردد.