تاجیکستان و ازبیکستان تمرین‌های مشترک نظامی برگزار کردند
وزارت دفاع ازبیکستان از آغاز تمرینات نظامی این کشور با نیروهای تاجیکستان در نزدیکی مرز افغانستان خبر می‌دهد.
وزارت دفاع ازبیکستان از آغاز تمرینات نظامی این کشور با نیروهای تاجیکستان در نزدیکی مرز افغانستان خبر می‌دهد.
پیک‌آفتاب: خبرگزاری انترفاکس با نشر گزارشی به نقل از زیناب‌الدین ایمان‌اوف، قوماندان نیروهای ویژه ازبیکستان در جنوب غرب این کشور روز گذشته 5 اگست، گفت که تمرینات در نزدیکی شهر ترمز آغاز شده است.
انترفاکس چنین تصریح کرده است: “زیناب‌الدین ایمان‌اوف، قوماندان نیروهای ویژه ازبیکستان در جنوب غرب این کشور گفت که تمرین‌های نظامی در نزدیکی شهر ترمز آغاز شده است”. به گفته این رسانه، در این تمرین‌ها شرف خدای بردی، معاون نیروهای مسلح تاجیکستان نیز حضور داشته است.
تمرین‌های مشترک این دو کشور چند بخش، از جمله نبرد در فاصله نزدیک، انتقال به وقت زخمی‌ها و بازداشت دشمن برای از سرگیری حمله را در برداشته است.
این در حالی است که ازبیکستان پس از حاکمیت دوباره طالبان در افغانستان پس از 15 اگست سال گذشته، تاکنون چندین مرتبه تمرین‌های مشترک نظامی را با روسیه و کشورهای آسیای میانه، در نزدیکی‌های مرز افغانستان به اجرا گذاشته است.
