صداقت، دقت و شهروند محوری در خبررسانی

تاجیکستان: تاجیک‌ها بخش عمده افغانستان را تشکیل می‌دهند و باید در حکومت حضور داشته باشند

سراج‌الدین مهرالدین، وزیر خارجه تاجیکستان در صحبت با رسانه‌های تاجیکستانی گفته است که تاجیک‌ها بخش عمده‌ای از افغانستان را تشکیل می‌دهند و باید در حکومت حضور داشته باشند.

سراج‌الدین مهرالدین، وزیر خارجه تاجیکستان در صحبت با رسانه‌های تاجیکستانی گفته است که تاجیک‌ها بخش عمده‌ای از افغانستان را تشکیل می‌دهند و باید در حکومت حضور داشته باشند.

پیک‌آفتاب: با شدت گرفتن درگیری‌های مسلحانه بین نیروهای مقاومت پنجشیر و طالبان، وزیر خارجه تاجیکستان در صحبت با خبرگزاری خاور تاجیکستان گفته است که حکومت افغانستان باید متشکل از همه اقوام از جمله تاجیک‌ها که بخش عمده‌ای از جمعیت این کشورند، باشد. سراج‌الدین مهرالدین افزوده که در این مورد، به گفتگوی مسالمت‌آمیز در افغانستان لازم است.

امام‌علی رحمان و ولادیمیر پوتین، روسای جمهور تاجیکستان و روسیه نیر پیش‌تر گفته بودند که تاجیک‌ها بخش عمده‌ای از جمعیت افغانستان را تشکیل می‌دهند. رحمان در این مورد حتا با شاه‌محمود قریشی، وزیر خارجه پیشین پاکستان گفتگو کرده بود.

ولادیمیر پوتین، رئیس جمهور روسیه نیز گفته بود که طبق برآوردها، ۴۰ تا ۴۷ درصد جمعیت افغانستان تاجیک هستند و باید در حکومت باشند.

پوتین با اعلام این‌که روسیه با تمام جریان‌های سیاسی افغانستان در تماس است و روابط نسبتاً پایداری دارد، تاکید کرده بود: “ما می‌خواهیم، مصالحه قابل قبولی را شاهد باشیم و مسائل پیش روی کشور تنها با کمک سلاح حل نشود، طوری که اخیراً بوده است.”

طالبان مدعی‌اند که حکومتی فراگیر دارند و همه اقوام هم در حکومت‌شان حضور دارند.

با این حال، طالبان در ولایت‌های مختلف دست به عملیات گسترده نظامی علیه مخالفان خود زده و روز گذشته هم ویدیویی از تیرباران نیروهای مقاومت پنجشیر را منتشر کردند.

             
     

0 0 رای ها
رأی دهی به مقاله
اشتراک در
اطلاع از
guest
0 نظرات
بازخورد (Feedback) های اینلاین
مشاهده همه دیدگاه ها
0
افکار شما را دوست داریم، لطفا نظر دهید.x