ایجاد تحریک طالبان تاجیکستانی (TTT)

منابع آگاه گزارش می‌دهند که فردی به نام «مهدی ارسلان»، تحریک طالبان تاجیکستانی (TTT) را پایه‌گذاری کرده است.

پیک‌آفتاب: بشیراحمد گواخ، خبرنگار و پژوهش‌گر مسایل افغانستان و پاکستان، امروز شنبه 25 سرطان، در صفحه توییتر خود نوشته است که مهدی ارسلان با الهام از طالبان افغانستان، تحریک طالبان تاجیکستانی (TTT) را تشکیل داده است.

Inspired by #Afghanistan’s Taliban, Mahdi Arsalan formed Tehrek-e Taliban Tajikistan (TTT).
Arsalan is a Tajik citizen & a leader of Ansarullah. He has over 250 fighters for now. The Afg Taliban govt recently put him in charge of security for 5 districts near #Tajikistan border. pic.twitter.com/MRiNgJUfGX

— Bashir Ahmad Gwakh (@bashirgwakh) July 15, 2022

گواخ می‌افزاید که ارسلان شهروند تاجیک و از رهبران گروه تروریستی انصارالله است. وی در حال حاضر بیش از 250 جنگجو در اختیار دارد. گفته می‌شود که ارسلان به تازگی مسئولیت پنج ولسوالی نزدیک مرز تاجیکستان را به دوش گرفته است.

کارشناسان مسایل امنیتی معتقدند که گروه‌های تروریستی مانند شاخه خراسان داعش، تلاش دارند تا از خاک افغانستان به کشورهای آسیای میانه نفوذ کنند.

در همین حال، بنیاد «جیمز تاون»، یک نهاد امریکایی که فعالیت گروه‌های تروریستی را بررسی می‌کند نیز روز گذشته 24 سرطان، نوشت که شاخه خراسان گروه تروریستی داعش، تلاش دارد تا از میان تاجیکان افغانستان و شهروندان تاجیکستان سربازگیری کند.

جیمز تاون هشدار داده: “در سال 2022، شاخه خراسان داعش تلاش‌های خود را به منظور استخدام جنگجو در مناطق تاجیک‌نشین در سراسر افغانستان و منطقه افزایش داده است.”

تلاش داعش برای سربازگیری از تاجیکستان و تاجیکان افغانستان