اگر روند سیاسی فراگیر شکل نگیرد، افغانستان به سوی بی‌ثباتی پیش می‌رود
توماس وست، نماینده ویژه امریکا برای افغانستان در ملاقات با امام‌علی رحمان، رئیس جمهور تاجیکستان گفته است که اگر روند سیاسی فراگیر در افغانستان شکل نگیرد، این کشور به سوی بی‌ثباتی به پیش خواهد رفت.
توماس وست، نماینده ویژه امریکا برای افغانستان در ملاقات با امام‌علی رحمان، رئیس جمهور تاجیکستان گفته است که اگر روند سیاسی فراگیر در افغانستان شکل نگیرد، این کشور به سوی بی‌ثباتی به پیش خواهد رفت.
پیک‌آفتاب: توماس وست، نماینده ویژه امریکا برای افغانستان، امروز پنج‌شنبه 12 جوزا، در رشته توییتی می‌گوید که در صحبت با امام‌علی رحمان، رئیس جمهور تاجیکستان، وزیر خارجه و رهبر گاردهای مرزی این کشور درباره اوضاع افغانستان تبادل نظر کرده است.
Earlier this week, spent two productive days with Tajik partners discussing shared interests in Afghanistan. Met with President Rahmon, FM Muhriddin, Border Guards leadership, and other key officials. pic.twitter.com/SNEfnaY7QH
— U.S. Special Representative Thomas West (@US4AfghanPeace) June 2, 2022
وی نگاشته: “تاجیکستان دارای مرز طولانی و کوهستانی با افغانستان است و نگرانی‌های مشروع در مورد تهدیدات امنیتی دارد. ایالات متحده از نظارت و مدیریت قوی و توان‌مند مرزها حمایت می‌کند.”
وست خاطرنشان کرده است که ایالات متحده تمایل تاجیکستان برای ظهور یک روند سیاسی مسالمت‌آمیز که در آن تمام اقوام افغانستان مشارکت داشته باشند را تایید می‌کند.
توماس وست در این ملاقات تاکید کرده که اگر روند سیاسی مسالمت‌آمیز که در آن تمام اقوام افغانستان شریک باشند، شکل نگیرد؛ این کشور به سمت بی‌ثباتی بیش‌تر پیش خواهد رفت.
فرستاده ویژه امریکا خاطرنشان کرده است که این کشور به رایزنی و هم‌کاری نزدیک با تاجیکستان در مورد آینده افغانستان ادامه خواهد داد.
این در حالی است که ذبیح‌الله مجاهد، سخنگو و معین نشراتی وزارت اطلاعات و فرهنگ طالبان در واکنش به سفرهای اخیر توماس وست، نماینده ویژه امریکا برای افغانستان به کشورهای منطقه و دیدار با چهره‌های سیاسی گفته است که اگر این دیدارها به هدف تحریک افراد علیه طالبان باشد، به نفع امریکا نیست.
